Er alveg að missa það!!!

Svo fer allt...

Fri, 27 Mar 2009 23:06:09 GMT

Langt síðan... alltof langt enda hugurinn nærður af orkulausum bitum samfélagsins... sem heldur manni í dauðatreyju "kreppunar" helv... fok... fokk eða

með Nesja mennsku að norðan... Helv... djöv. ands... djö.. djöfull... sæl

Að gera í brækurnar!!!!!!

Fri, 12 Dec 2008 00:31:47 GMT

Það er sorglegt þegar þessir aumingjar sem stjórna þessu landi gera í buxurnar hvað eftir annað og skeina sig svo á almúganum ... pakk sem þarf að stöðva! Þau vilja ekki taka ábyrgð á gjörðum sínum og ráða ekki við þunglamanlegt og rotið kerfið sem er byggt upp af viðbjóðslegum ráðuneytisrottum sem ganga erinda flokkseigenda og vina. Þar skiptir hagur ríkisins-fólksins engu heldur völd og "virðing" frá þeim aumingjum sem í skjóli spillingar leika sér með fjöregg þjóðarinnar. Eggjunum hefur verið komið fyrir í tveimur körfum D og B - þar skal þeim haldið. Hvað sem það kostar og þá helst á kostnað fólksins - skrílnum má blæða!

Með hina ísköldu bláu hönd upp í rassgatinu koma fram á sjónarsviðið fjölmiðlamenn í öllum viðtalsþáttum stamandi af "gleði" yfir flokknum, formenn hagsmunasamtaka þykjast enn og aftur bera hagsmuni þjóðarinnar fyrir brjósti og ráðherrar neita að bera ábyrgð þar sem þeir eru í miðjum björgunaraðgerðum. Já öll eru þau að verja eggin sem eru farin að velta um í körfunni!

Svo er það önnur hendi sem ver hin egginn kafloðin og ógeðsleg. Hún vinnur hörðum höndum bak við tjöldin og reynir að tryggja sitt og hefur gott kverkatak á bændum þjóðarinnar og hluta útgerðarinnar. En innan kerfisins er farið að þrengja að en hún er vinnusöm fyrir sinn litla hóp og heldur ótröð áfram. Sorglegast er að hjá situr fólk sem horfir öfundaraugum á þessi egg og langar til að koma þeim í sína körfu, sem merkt er S. Þetta fólk hefur nefnilega þefað af valdinu enda með ískalda löngutöng bláu handarinnar upp í sinni boru.

Þetta fólk með körfur sínar er allt í eðli sínu vont og verður áfram. Guð og aðrar verur geta lítið hjálpað þeim ef allt þetta vonda brýst líka út í okkur svokallaða skríl. Skríll - sem hefur engar hugsjónir og veit ekki einu sinni hverju hann er að mótmæla á köldum laugardagseftirmiðdegi. Þolinmæðin er nefnilega á þrotum og Innrásarvíkingarnir (þau sem trufluðu Alþingi og ríkistjórnarfund frekar snyrtilega) eru líklega bara neistinn af einhverju meiru. Nú þarf að bræða hina Bláu hönd og raka þá loðnu. Þurrka upp bleytuna, raka saman hárin og tryggja að þetta handaband verði aldrei aftur. Aldrei!!!

Þessir 30 trufluðu auðmenn / 3 konur og allt þeirra hyski þarf síðan að nota sem klósettpappír í stað okkar hinna. Mörg þeirra eiga egg í þessum umtöluðu körfum og öll eiga þau svo sannarlega skilið að vera ötuð skít og mörgum mætti sturta niður. Annars góður T-JA-ó

Það er ekki alltaf sólin!

Sat, 15 Nov 2008 00:25:02 GMT

Af okkur er allt gott að frétta. Við parið höldum vinnu hún hjá ríki en ég hjá Lata sem hefur bara verið að ráða þrátt fyrir bakslag í sumar. Held að heimsyfirráð séu raunhæf!

Annars hafa guttarnir okkar það fínt. Monsinn hefur áhyggjur af kreppunni og koma spurningar um krónuna og hvers vegna svona mörgum sé svo illa við Davíð Fu... Oddsson í opna skjöldu! Hann fullyrti að Selið - skóladaheimilið hans væri að leggja sitt að mörkum til þess að "ísland dytti ekki á hausinn" væri fólgið í því að ný leikföng hefðu verið keypt núna í nóvember. Monsinn er búinn að fá úr því skorið að hjartað í honum er í lagi. Hann hefur þó tekið allar pestir sem eru í gangi á liðnum vikum en væntanleg skýring er steralyfið sem hann fór á vegna hjartavírusins, en það veikir kerfið. Lilli Billi er jaxlinn á heimilinu stendur undir nafni og er t.d. sá eini á sinni deild og eða leikskólanum sem ekki hefur orðið veikur í haust. Hann er að detta á þann aldur að snuddan og bleyjan þarf að venja af. Djö... byrjar þetta snemma að venja okkur fólkið af einhverju "góðu". Fíkn er okkar fylgifiskur og sækir að okkur frá byrjun... en skál! Annars er Lilli Billi líka á milli orða - eins og arfur kvenna sem er svo misskilin milli mála að yfirráð heimsins hefur verði jakkaklædd standpína. Lillinn er knúsari, þrjóskur eins og mamma og pabbi - sterkur eins og Hvömmungur en laginn eins og amma í Kef. og amma ugla.

Við erum góð í þessu öllu saman en umhverfið og félagar standa ekki vel og það er svo sorglegt og ósjangjarnt - helv... drullusokkar græðginnar taka saklaust fólk með sér í skítinn!

Annars góður TJA-Ó

Við erum glötuð!!!!

Sat, 01 Nov 2008 23:44:50 GMT

Skil ekki þá umræðu um að eitthað betra taki við eftir þetta böl allt saman? Þar sem við mannfólikið erum "skynlausar skeppnur" þá mun græðgin og völd alltaf ráða

för. Fólk þarf ekki að halda að Steingrímur (VG) frændi minn verði eitthvað skárri en einhver annar til að leiða fólkið. Við erum GLÖTUÐ og verðum allaf tækifærissinar!!!!! Sagan er löngu búin að sanna það - en auðvitað lærum við ekki af henni eins og vanalega... hún hefur ekki kennt okkur NEITT eins og ástandið sannar og mun aldrei gera meðal manna ( sjálf-leysa-syndrómið). Að lifa og traðka á öðrum er bara mannlegt eðli - því miður! Annars þokkalegur Tja-ó

Lausn?

Wed, 29 Oct 2008 15:07:29 GMT

Er ekki málið bara að láta Þórólf Árna segja af sér til að lægja öldur efnahagsvandans og óstjórnar í landinu? Það var gert í olíufélagsmálinu og svín virkaði - eða þannig!

Tja-ó

Sammála Dr. Gunna um snobb Grísinn

Tue, 14 Oct 2008 22:31:31 GMT

"Ólafur Ragnar Grímsson er ekki minn forseti. Það er mjög langt síðan mér fannst hann ókei, enn lengra síðan mér fannst hann fínn. Vigdís var ágæt en Kristján Eldjárn bestur. Hann hefði aldrei yfirgefið fólkið sem kaus hann í embætti til að dingla með froðuhyski í einkaþotum og í snobbstúkum á fótboltaleikjum. Nú á að snúa vælandi í ræturnar þegar frauðplastið sem hann dýrkaði er fuðrað upp. Ég get ómögulega tekið þátt í að kóa með þessu." (tekið af síðunni: http://eyjan.is/goto/drgunni/)

Rosalega er ég sammála Dr. Gunna - mér varð bara óglatt að sjá hann á RÚV í heimsókn hjá CCP og slepjulega viðtalið fyllti mig óhug. Hann ætti að halda sig heima - enda varla búið að klippa nefhárin á honum frá rasshárum "óreiðumannanna"!!! Þannig að hann getur bara verið áfram í rassi og rófu blessaður! Annars þokkalegur----- T-ja-ó

Mikið er ég glaður í hjarta mínu...

Thu, 18 Sep 2008 08:36:03 GMT

Það var gott að vakna í morgun og gleðja Sætu stelpuna okkar og færa henni gjöf og köku í tilefni af afmæli hennar í dag (18. sept.). Til hamingju með daginn duglega stelpa. Ekki skemmdi fyrir að sigurvíman frá leiknum í gær var enn svífandi yfir vötnum. En þar settu mínir menn Keflavík 3 mörk gegn einu á móti Blikum og halda toppsætinu. FH tapaði sínum leik sem var leikinn á mjög furðulegum tíma. Ég þorði ekki að segja FHingnum mínum frá úrslitunum í morgun því þá hefði kakan og pakkinn orðið aukaatriði. Ég er glaður jíbbbí og ætla að fara út að borða í kvöld með Sætu. T-ja-ó

Af hlandhausum!

Wed, 03 Sep 2008 09:08:56 GMT

Ætla þessir aumingjar ekki að semja við ljósmæður!? Hvað er verið að láta illa lyktandi ríkis-limi sem setið hafa á spenum stjórnmálaflokkana vaða yfir samninganefnd ljósmæðra með hroka og niðurlægjandi hætti líkt og karldurgar gærdagsins. Væri ekki ráð að fá skynsemina inni í samninganefndina. Fólk með almennilega lífsýn og ekki uppfullt af valdagræðgi, fordómum og hlandfýlu gamalla gilda stjórnmálflokka (allt fyrir flokkinn og þá er ég hólpinn). Verð að segja að börnum okkar er svo illa sinnt af þjóðfélaginu okkar þar sem þær séttir sem sjá um þjónustu við okkur barnafólk er meðhöndlað sem slefandi hálfvitar! Þetta byrjar strax í fæðingu með illa launuðu starfi ljósmæðra sem taka á móti ungunum okkar af stakri snilld og í flestum tilfellum þarf nú ekki "þreytta" lækna á svæðið, sem betur fer. Ljósmæður fá ekki borgað miðað við það nám sem þær hafa innt af hendi og hvað þá álag, alúð og ábyrgð. Skammarleg framkoma!
Að ári liðnu eru foreldrar neyddir út á vinnumarkaðin ( það þarf að borga skuldirnar) og við tekur mikill tími óvissu hvort einhver dagmóðir finnist. Ekki er ríkið með lausnir enda búnir að henda þessu af sér á sveitarfélögin sem reyna og reyna en geta ekki rassgat, ekki frekar en hann Reynir rassgat. Þegar dregur að tveggja ára aldri ætti að vera laust pláss á leikskólum bæja og borgar. ó-nei, þar er auðvitað mannekla sem rekja má til lélegra launa starfsfólks á leikskólum - já enn er verið að sinna börnunum okkar að hætti molbúa. Þetta kostar oft miklar fórnir þá á kostnað gulu miðanna frá bönkunum og margur boltinn fer að rúlla. Eftir að leikskóla líkur tekur skólagangan við. Þar eru sömu vandamál og kennarar duglegir að láta vita af slæmum launum með verkföllum - þar sem hlandfýlukarlarnir gera aldrei nógu vel við þá stétt heldur og sýna litla virðingu og skilning á mikilvægi hennar í breyttu samfélagi. Talandi um þetta blessaða skólakerfi sem hefur ekki verið að skora vel á heimsvísu þá hafa hlandhausar (flokksins) ráðuneytis menntamála komist að því að einstaklingsmiðað nám sé málið. Hvað er það? Að hlúa það vel að egói einstaklingsins að hann verði ekki hæfur í hóp eða samfélagi án þess að tekið sé tillit til hans einstöku þarfa, sem skólakerfið hefur plantað í huga hans. Eru menn ekki oftast hluti af fjölskyldu, vinahóp, bekk, íþróttaliði, klúbbum, stéttarfélagi o.s.frv. Ætli þetta námsstefna sé kannski gagngert ætluð til þess að ná fleirum hrokafullum samningamönnum út í lífið. Engin lífsýn á heildina aðeins valdið sem gefst hverju sinni!
Eftir gaggó liggur leiðin í menntó þar sem hamingjan með laun hefur ekki farið hátt. Þetta allt bitnar auðvitað á metnaði, getu og manneklu hjá þessum ágætu stofnunum. Háskólanámið tekur síðan við og þar er auðvitað hland-lánskerfi til handa námsmönnum. Hland-lánskerfi þar sem oftar en ekki skuldaboltinn fer að rúlla og rúlla. Búmm - skólinn búinn - vinna - sambúð - BARN og ballið byrjar á ný. Ríkið tekur svo um 40% af laununum þínum í tekjuskatt og svo helling í vörutengdanskatt (matur, bensín og allt hitt) og auðvitað sleppa ekki barnavörur þær eru skattlagðar í botn. Skítt ....T-ja-ó

Á toppinn

Tue, 15 Jul 2008 00:03:45 GMT

Já sko mína menn að vinna í döprum leik og voru ekki að spila vel. Voru jafn leiðinlegir í síðasta leik líka á móti FH. Kannski er einhver meistaraheppni í gangi - hver veit? En áfram Keflavík! Litli FHingurinn minn er ekki jafn ánægður þessa dagana enda FH tapað þremur leikjum í röð og þar af tveimur í uppbótartíma. Tveir af þessum leikjum töpuðst á móti Kef. í deild og annar í bikar íhahhaa. Það komu tár, en það hlakkaði í karlinum, þó í laumi - alveg satt!! Tja-ó

Lilli Billi 2 ára

Thu, 26 Jun 2008 10:17:53 GMT

Það var fremur krumpað afmælisbarn sem vaknaði í morgun. Ekki bætti það úr að heimilisfólkið hóf upp söng en það að við syngjum fyrir hann er almennt bannað og öskrar hann stöðugt nei...NEI af mikilli bræði þar til söng slotar. En sá stutti tók gleðina er hann sá kökuna á eldhúsborðinu enda til í eitthvað sætt svona snemma morguns. Til hamningju litli pabba stubbur!

Mikið á mann lagt eða ...

Thu, 19 Jun 2008 09:50:51 GMT

Hvað gerir Keflavíkuraðdándi sem þarf að styðja FH uppá Akranesi (heimabær drekans Gauja Þ.) heila helgi?

margt í mörgu

Wed, 04 Jun 2008 23:41:59 GMT

Jæja... hvar skal nú byrja... djö.. er langt síðan hér hafa verið rituð orð er upplýsa eitthvað um hagi af brautinni beinu í hlíðinni. Settið hefur tekið sér nýja vinnuvetlinga í hönd. Hið fríðara í öruggum höndum ríkisins en sá smá fríði í höndum álfsins í einkageiranum og skelfur því um hver mánaðarmót. Það er jú samdráttur í þjóðfélaginu og þessum samdrætti fylgir lítil gleði eða eftirvænting ólíkt þeim er við lögðum á mæður vorar. Drengirnir eru í blóma. Sá yngri er sá sem ræður ferðinni. Er á aldrinum "trylltur tveggjaára". Kominn með hæfileika til að koma sér áfram með fótum, höndum og með þeim hlutum er henta hverju sinni og geta hjálpað við að nálgast eitthvað sem ekki má snerta. Hugurinn og rökhugsunin ekki til staðar, það er alveg á hreinu. Sprittkerti hafa horfið í tugavís og örfá þeirra hafa fundist í fataskúffum, skápu og undarlegum stöðum þar sem má troða einhverju inn á milli. Hann er fylgjandi Latabæjar og kætir því ekki föður sinn mikið er hann biður sí og æ um Ollu, Igga, Enna og alla hina. Þó getur hann ekki sagt nafn aðalstjörnunnar enda heitir hann alveg ómögulegu "barna orði" og kallar hann því Adna. Humm já, hann er seinn til máls og er sérfræðingur í því að sleppa fyrsta staf í flestum orðum.------- Eldri drengurinn var leiddur í sannleika orðsins af ömmu Mæju og Dinnu. Hann hefur nú á nokkrum vikum hellt sér í fræði Fíu Sólar, Kafteins ofurbrókar og Skúla Skelfis. Það verður að segjast að hann hefur oftar heimsótt bókasafn en faðir hans gerði fyrstu 25 ár lífs síns. Þannig að foreldrarnir eru afar ánægð með að hægt er að hverfa í eitthvað annað en tölvuleiki. Skólinn búinn og það gert með sóma - bæting í öllu frá jólum. Nú fer tími námskeiða að hefjast og þetta óþægilega púsl er hafið er plagar foreldra í sumar byrjun, áður en þau breyta börnunum í svo kölluð lyklabörn og opna húsið fyrir vinum á "vergangi". Annars margt í mörgu eins og alltaf - við aðilarnir bara þokkaleg. Sæl að sinni

Nú dans álfarnir

Fri, 30 May 2008 22:41:04 GMT

Það er alveg satt... en þeir eru að halda uppá 1000 árin en ekki hundrað ... eru álfar menn spurði skáldið!

Já já

Mon, 19 May 2008 23:06:55 GMT

Sko mína menn 3/3 og 9 stig - 9 mörk og allt að gerast. Að vísu kemur "heiðarleikinn" frá kúkú- eða gúgú-nesi í heimsókn næst - þeir gera allt til þess að land inn þremur - allt! tja-ó

ha

Fri, 09 May 2008 13:17:49 GMT

Kirkjan sameinaði þau ekki. það voru gjafirnar...